Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Sherr në Pukë, dy protagonistët pinin alkool në të njëjtën tavolinë, pasi dolën nga lokali 35-vjeçari e plagosi me thikë

Një sherr ka ndodhur dy ditë më parë në Pukë mes dy personave që janë konfliktuar pasi kanë dalë nga lokali.

35-vjeçari me inicialet J.Gj, ishte duke konsumuar alkool në një tavolinë në një lokal të fshatit Iballë bashkë me 37-vjeçarin A.Z.

Pasi dolën nga ambientet e lokalit ata u konfliktuan dhe 35-vjeçari e qëlloi me thikë duke e lënë të plagosur. Ky i fundit u dërgua në spitalin e Shkodrës dhe është jashtë rrezikut për jetën.

NJOFTIMI NGA POLICIA

Pukë

Tentoi të vriste me thikë një shtetas, pas një konflikti të çastit, arrestohet autori i dyshuar.

Shërbimet e Komisariatit të Policisë Pukë kanë arrestuar në flagrancë, për veprat penale “Vrasja me dashje” e mbetur në tentativë dhe “Mbajtja pa leje e armëve të ftohta”, shtetasin J.(K.) Gj., 35 vjeç, banues në Iballe.

Arrestimi i këtij shtetasi u bë pasi dyshohet se më datë 15.11.2020, pas një konflikti të çastit, ka tentuar të vrasë me thikë shtetasin A. Z., 37 vjeç, banues në Iballe. Këta shtetas kanë qenë duke konsumuar alkool në një tavolinë në ambientet e një lokali në fshatin Iballe. Pasi kanë dalë nga lokali janë konfliktuar dhe shtetasi J.(K.) Gj. e ka plagosur me thikë në trup shtetasin A. Z.

Shtetasi A. Z. ka marrë mjekim në spitalin e Shkodrës dhe ndodhet jashtë rrezikut për jetën.

Materialet i kaluan Prokurorisë pranë Gjykatës së Shkallës së Parë Pukë, për veprimet e mëtejshme.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet