Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Ambasadori i ri i OSBE-së takime me Ramën dhe Metën, çfarë u diskutua

Kryetari i Prezencës së OSBE-së në Shqipëri, ambasadori i ri Vincenzo Del Monaco, zhvilloi sot takime me Kryeministrin, Edi Rama dhe Presidentin e Republikës, Ilir Meta.

Lajmi është bërë i ditur nga prezenca e OSBE-së në Shqipëri që ka zbardhur dhe një pjesë të mesazhit të ambasadorit Del Monaco.

“Në takime, ambasadori Del Monaco tha se ishte shumë i lumtur të ndodhej në Shqipëri dhe të shërbente për OSBE-në në vend, duke mbështetur proceset demokratike dhe duke punuar krah për krah me institucionet shqiptare, shoqërinë civile dhe median”, shkruan prezenca e OSBE-së në Shqipëri.

Italiani Vincenzo Del Monaco do të zëvendësojë gjermanin Bernd Borchardt që largohet nga Shqipëria. Del Monaco për 23 vite ka punuar në shërbimin diplomatik duke qenë ambasador i Italisë në Armeni dhe Mal të Zi.

Po ashtu ka shërbyer edhe në Pekin e Bruksel teksa ka qenë në kabinetin e këshilltarit diplomatik të ish-presidentit të Italisë, Giorgio Napolitano.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet