A e frenoi pandemia krimin në Shqipëri? Vrasje, vjedhje, drogë dhe OFL, këto janë shifrat e 2020-ës

Aktualitet
A e frenoi pandemia krimin në Shqipëri? Vrasje, vjedhje, drogë

Policia ka publikuar shifrat e kriminalitetit për 10 muajt e vitit 2020, ndërsa duhen edhe pak më shumë se një muaj, që të shënohet ikja kalendarike e këtij viti.

Edhe pse në një periudhë pandemie, e ku disa muaj kanë qenë në izolim të plotë nuk kanë munguar vrasjet, vjedhjet apo trafiqet. Një mision tjetër ka qenë Operacioni Forca e Ligjit, që ka dërguar kërkesa për sekuestrime në SPAK, në një numër të konsiderueshëm.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Niveli i vrasjeve për 100 mijë banorë është në 1.7 për 100 mijë, nga 1.2 që është mesatarja e BE-së, ndërsa krimi i “armëmbajtjes pa leje” ka njohur një rënie të theksuar, ashtu sikurse e njëjta gjë thuhet edhe për luftën kundër kanabisit.

Krerët e Policisë thonë se lufta ndaj kultivimit të drogës ka shënuar rezultatet më të larta në tre dekadat e fundit, të regjistruara në Shqipëri, ndërsa për vitin 2020 ka një reduktim të ndjeshëm të numrit të viktimave në aksidente rrugore.

Sipas shifrave, në periudhën janar-tetor u regjistruan 27 mijë e 727 vepra penale, 2 mijë më pak se një vit më parë. Në 2020 pati 332 krime në fushën e pasurisë, vetëm 1 rast vjedhje në banka. Lidhur me krimin në familje, shifrat janë më të ulëta se vitin e kaluar. Janë regjistruar 7 krime në familje nga në vitin 2019. Ndërsa krimi më i rëndë është ai i vrasjes ka shënuar 44 vrasje.

Për vitin 2020 janë 153 viktima nga aksidentet rrugore, 30 grupe kriminale në fushën e krimit të organizuar janë goditur në harkun e 10 muajve të këtij viti.

ME TE LEXUARAT