Shumë shpejt autorizimi për përdorimin emergjent të vaksinave anti covid

Aktualitet
Shumë shpejt autorizimi për përdorimin emergjent të

Pfizer dhe Moderna planifikojnë të kërkojnë autorizimin për përdorim emergjent nga administrata amerikane e ushqimit dhe ilaçeve, për vaksinat e tyre anti covid, brenda javëve të ardhshme.

Nëse autorizimi do të miratohet atëherë vaksinimi do të fillojë në dhjetor. Pfizer tha të hënën se vaksina e saj e koronavirusit duket se është më shumë se 90 për qind efikase, bazuar në të dhënat e hershme.

Njoftimi është pritur mirë nga ekspertët sipas të cilëve kjo dëshmon se vaksinimi ndaj covid-19 është i mundur. Moderna ndërkohë njoftoi këtë javë se kishte mjaftueshëm raste të koronavirusit mes pjesmarrësve në testet e saj për të përmbyllur analizën e parë.

 

Me gjasë, që javën e ardhshme, mund të hidhet një hap i parë drejt kërkimit të autorizimit. SHBA planifikon të ketë doza të mjaftueshme vaksine për popullatën e saj, në mënyrë që rreth 20 milionë individë të imunizohen që në dhjetor dhe të vijohet më tej me 25-30 milionë të tjerë çdo muaj. Nëse edhe vaksina të tjera miratohen, atëherë numri mujor i vaksinimeve mund të rritet.

ME TE LEXUARAT