Mbi 74 migrantë mbyten në brigjet e Libisë

Aktualitet
Mbi 74 migrantë mbyten në brigjet e Libisë

Së paku 74 migrantë humbën jetën nga fundosja e anijes në brigjet e Libisë, ndërsa 47 të tjerë u shpëtuan nga rojet e bregdetit dhe peshkatarët, tha agjencia për migrim e Kombeve të Bashkuara.

Anija me migrantë, përfshirë gra dhe fëmijë, u fundos në brigjet e portit libian al-Khums, tha Organizata Ndërkombëtare për Migracionin.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Libia është një pikë kryesore tranziti për migrantët - kryesisht afrikanë - që përpiqen të kalojnë Mesdheun dhe të arrijnë në Evropë.

Sipas Organizatës Ndërkombëtare për Migracionin, së paku 900 njerëz janë mbytur këtë vit, duke u përpjekur të kalojnë Mesdheun.

Rreth 11,000 të tjerë janë kapur në det dhe janë kthyer prapa në Libi.

Migrantët në Libi shpesh mbahen të arrestuar, shfrytëzohen ose abuzohen.

Organizata Ndërkombëtare për Migracionin dhe Agjencia për Refugjatë e Kombeve të Bashkuara kanë thënë se Libia nuk duhet të konsiderohet si port i sigurt kthimi dhe se migrantët e shpëtuar ose të ndaluar në det nuk duhet të kthehen atje.

ME TE LEXUARAT