Manastirliu: Kanë muaj që shpëtojnë jetë dhe nuk i shohin familjarët, respekt për mjekët

Politikë
Manastirliu: Kanë muaj që shpëtojnë jetë dhe nuk i

Ministrja e Shëndetësisë, Ogerta Manastirliu ka vlerësuar punën e mjekëve dhe infermierëve duke kujtuar sakrificën e mjekësve në këtë situatë pandemie.

Në rrjetin social “Facebook” Manastirliu bën me dije se prej muajsh po përballen me COVID-19 duke mos qenë pranë familjarëve të tyre.

Statusi:

Kanë muaj të tërë që punojnë orë e pa orë.

Kanë muaj të tërë, që i shohin prindërit, bashkëshortët, fëmijët shumë rrallë.

Kanë muaj të tërë që duan t’i përqafojnë fort të dashurit, por nuk munden.

Kanë muaj të tërë që shërbejnë me përkushtim, duke shpëtuar jetë.

Respektin dhe mirënjohjen tonë, i meritojnë plotësisht!

Ndërsa baltën, shpifjet, mohimin, le t’i mbajnë ata që i kanë patur ngahera gjellë dite, për të ushqyer ëndrrat për pushtet.

Balta e tyre, nuk ngjit tek njerëzit e punës dhe sakrificës, sado të mundohen!

Respekt për mjekët!

Respekt për infermierët!

Respekt për shërbimet e Urgjencës!

Respekt për farmacistët!

Respekt për të gjithë ata që shërbejnë në sistemin tonë shëndetësor, kudo në të gjithë Shqipërinë, në këto kohë pandemie që po vë në provë mbarë botën.

ME TE LEXUARAT