Aksident tek kryqëzimi i “Vorrit të Bomit”, makina përplas këmbësorin, dërgohet me urgjencë në spital

Një aksident me pasojë plagosjen e një personi ka ndodhur sot rreth orës 15:15, tek kryqëzimi i ‘Vorrit të Bomit” në Tiranë.

Mjeti me drejtues shtetasin I.G., ka aksidentuar këmbësorin shtetasin E.B., 65 vjeç, i cili ndodhet në spital, jashtë rrezikut për jetën. Drejtuesi i mjetit ndodhet në vendngjarje.

Grupi hetimor dhe shërbimet e Policisë vijojnë punën për sqarimin e rrethanave të ngjarjes.