Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Trump shpalli fitoren pa u numëruar votat, europianët kërkojnë durim

Politikanët europianë reaguan me kujdes pasi Donald Trump shpalli fitoren e rreme në zgjedhjet presidenciale, orët e para të mëngjesit të së mërkurës, duke paralajmëruar se një betejë ligjore mbi rezultatin do të kishte pasoja katastrofike për reputacionin global të demokracisë.

Pjesa më e madhe e liderëve qëndruan në heshtje, në pritje të zhvillimit të mëtejshëm të ngjarjeve, ndonëse Ministri i Jashtëm spanjoll Aráncha González Laya, u bëri thirrje liderëve amerikanë që të presin derisa të gjitha votat të jenë numëruar.

Annegret Kramp-Karrenbauer, Ministrja e Mbrojtjes gjermane tha: “Kjo është një situatë shumë shpërthyese. Është një situatë që mund të çojë në një krizë kushtuese në SHBA, siç po thonë me të drejtë ekspertët. Dhe është diçka që duhet të na shkaktojë të gjithëve shumë shqetësim”.

“Populli amerikan foli. Teksa presim për rezultatin e zgjedhjeve, BE mbetet e gatshme për të ndërtuar një partneritet transatlantik të fortë, të bazuar në vlerat dhe historinë tonë“, theksoi shefi i Punëve të Jashtme të BE, Josef Borrel.

 

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet