Shtyhet seanca për Izet Haxhinë, sot do vendosej nëse Berisha do thirrej dëshmitar

Aktualitet
Shtyhet seanca për Izet Haxhinë, sot do vendosej nëse Berisha do

Shtyhet sërish gjyqi për Izet Haxhinë. Shkak për shtyrjen e seancës së sotme është bërë mungesa e prokurorit Dritan Nushi për t’u zhvilluar më datën 6 nëntor.

Por gjithashtu gjatë seancës së sotme do të vendosej lidhur me thirrjen e rreth 18 dëshmitarëve të ngjarjes, mes tyre edhe ish-kryeministri i vendit, Sali Berisha.

Haxhia dikur ish-truprojë e Berishës kërkon të përballet në gjyq me këtë të fundit por edhe me të vetmin e mbijetuar të ngjarjes së ndodhur disa dekada më parë, me ish-truprojën e Hajdarit, Zenel Neza.

I pandehuri, Izet Haxhia u dënua me 25 vite për vrasjen e Azem Hajdarit, por ka fituar të drejtën e rigjykimit.

Ai pretendon se nuk ka pasur lidhje me atentatin e ndodhur jashtë selisë së PD-së, edhe pse u dënua si bashkëpunëtor.

Haxhia kishte fituar azil politik në shtetin turk por u ekstradua në Shqipëri për të hapur edhe njëherë procesin gjyqësor për të ashtuquajturën “vrasja e shekullit”.

ME TE LEXUARAT