Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Ralf Gjoni: Rama e Meta si çift të dashuruarish, i shkelën syrin njëri-tjetrit edhe për Ndryshimet Kushtetuese

Ndërsa në Kuvend nisën diskutimet pas rrëzimit të dekretit të Metës dhe hyrjes në fuqi të Ndryshimeve Kushtetuese të Kodit Zgjedhor, deputeti Ralf Gjoni hodhi akuza drejt kryeministrit Rama dhe Presidnetit Meta.

Sipas tij, Rama e Meta janë bashkë, i shkelin syrin njëri tjetrit dhe ngjajnë si një çift të dashuruarish.

“Edhe me ndryshimet Kushtetuese Rama dhe Meta i shkëlën syrin në distancë njëri-tjetrit. Përmes dekretit Meta njeh ndryshimet kushtetuese. Ai kot bën sikur kërcënon se në fund prapë i shkel syrin. Kur nuk është kështu si po them: Pse nuk e shkarkoni ju presidentin? Po ai pse nuk e shpërndan Parlamentin? Ja pra, se janë ashtu si them umë tamam si një çift të dashuruarish”,- tha Gjoni.

Sipas tij, arsyet e kthimit të Ndryshimeve Kushtetuese janë sa absurde as edhe për të qeshur.

“Dekreti cënon integrimin europian? E paprë uaaa! Ju doni tani që Shukria në Dibër të mësojë anglisht, spo merrem me Konispolin se kam konflikt interesi.
Integrimi do vijojë, nuk e prekin as këtë palo reforma as ato marrëveshje të ndyra që bëni ju. Ju jeni një palë e padenjë përballe neve këtu që u treguam konstruktivë e bëmë disa ndryshime, ju jeni ata ratë dakord në korrik e pastaj e ndryshuat në qershor.

Ju luani ping-pong në kurriz të shqiptarëve që ta mbani qarkun elektoral të mbyllur. Rama, Berisha dhe Meta kanë frikë nga vota e shqiptarëve të ndershëm që kërkojnë një alternativë të re, detyra jonë është ta ofrojmë këtë alternativë”,- shtoi ai.

Zëvendës kryetarja e Kuvendit, Vasilika Hysi e këshilloi të kishte kujdes me fjalorin dhe të mos fyente gratë. Sipas saj, jo vetëm SHukria në Dibër, po cdo grua kudo që jeton ka të drejtë të mësojë gjuhë të huaja. Sipas Hysit, Gjoni vazhdimisht diskriminonte seksin e kundërt përmes fjalëve të tij.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet