Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

PD i përgjigjet Ramës për vlerësimin e ”The Lancet”: Realiteti thotë që shqiptarët vdesin trotuareve

Drejtori i kabinetit dhe eksperti i ekonomisë në PD, Dorjan Teliti ka replikuar me Ramës sa i përket vlerësimit të perstigjiozes ”The Lancet” për sistemin shëndetësor shqiptar.

Në fakt, Teliti thotë se ky raport që Rama e ka nxjerrë që në mengjes tregon vetëm shkallën e vaksinimit të popullsisë, por kryeministri kërkon të bindë shqiptarët se shëndetësia shqiptare qenka më e mirë edhe se ajo e Turqisë.

Më tej ai shton se faktet në Shqipëri janë kokëforta pasi shqiptarët po vdesin trotuareve të përzënë nga spitalet, vendi ka numrin më të ulët të mjekëve në Ballkan, pagat janë më të ulëtat për mjekët, buxheti më i ulët për shëndetësinë si dhe testimet për COVID-19 disa herë më të pakta se çdo vend i rajonit.

STATUSI NGA DORJAN TELITI

ER inaguroi dje për herë të dytë spitalin Covid3 pa bërë asnjë transparencë për aparaturat dhe numrin e mjekëve dhe infermierëve të specializuar që duhet të jenë në shërbim të të sëmurëve me Covid.

Ndërsa sot pa gdhirë kërkon t’u mbushë mendjen shqiptarëve se shëndetësia e epokës së rilindjes është e sukseshme dhe konkurruese në botë.

Me një raport që tregon shkallën e vaksinimit të popullsisë, ai po orvatet të bindë shqiptarët se shëndetësia shqiptare është ku e ku më mirë se shëndetësia e vendeve si Turqia ku sot shkojnë për të gjetur shërim oligarkët e PPP-ve në shëndetësi.

Ndërkohë faktet janë kokëforta dhe asnjë video 3D nuk e fsheh dot të vërtetën që jemi vendi me numrin më të ulët të mjekëve për 1000 banorë në Ballkan, kemi pagat më të ulëta për mjekët, kemi buxhetin më të ulët për shëndetësinë dhe kryejmë disa herë më pak testime për COVID se çdo vend i rajonit.

Shëndetësia në 3D e ER është çështje e kinemasë, jo e realitetit.
Realiteti thotë që shqiptarët vdesin trotuareve të refuzuar dhe të përzënë nga spitalet.
Realiteti i shëndetësisë së ER thotë që mjekët dhe infermierët ikin nga sytë këmbët nga ky vend, ndërsa diploma e studentit të mjekësisë shërben thjesht si vizë pune në Gjermani.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet