Covid-19 i merr jetën specialistes në Autoritetin Shëndetësor të Tiranës, Manastirliu bën dedikimin prekës

Aktualitet
Covid-19 i merr jetën specialistes në Autoritetin

Ministrja e Shëndetësisë, Ogerta Manastirliu reagoi ne lidhje me vdekjen për shkak të Covid-19, të Mimoza Toska Zoraqit, specialiste e promocionit të shëndetit publik, në Autoritetin Shëndetësor të Tiranës.

Manastirliu e ka cilësuar si një lajm që të shkakton hidhërim të papërshkrueshëm ndarjen e saj nga jeta.

“Moza ishte një zonjë e mrekullueshme, që rrezatonte veç mirësi, forcë dhe optimizëm me buzëqeshjen e saj të pandarë. Ngushëllimet më të sinqerta familjes.” ka shkruar mes të tjerash Manastirliu.

Postimi i plotë:

Dje u nda prej nesh, për shkak të Covid-19, Mimoza Toska Zoraqi, specialiste e promocionit të shëndetit publik, në Autoritetin Shëndetësor të Tiranës.

Eshtë një nga ata lajme që të shkaktojnë një hidhërim të papërshkrueshëm.

Moza ishte një zonjë e mrekullueshme, që rrezatonte veç mirësi, forcë dhe optimizëm me buzëqeshjen e saj të pandarë.

Ngushëllimet më të sinqerta familjes.

U prehsh në paqe, e paharrueshmja Moza!

ME TE LEXUARAT