Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

“Presidenti ka sulmuar një gazetar”, Presidenca i përgjigjet Endri Fugës: Jeni bërë gaz i botës

Zëdhënwsi i Presidentit Ilir Meta, Tedi Blushi i është përgjigjur zëdhënësit për media të kyeministrit, Endri Fugws pas pretendimit të këtij të fundit se presidenti ka sulmuar një gazetar dhe botues.

Në një postim që ka bërë në rrjetet sociale Blushi thotë se kjo është një ‘fake news’ duke thënë se ata e vunë theksin vetëm vetëm te shkrimi i Alfred Pezës për gazetarin, ku sipas tij nuk është bërë nga presidenca, por nga vetë Sekretari për Marrëdhëniet me Shoqërinë Civile dhe Mediat në Partinë Socialiste.

“Si mund të na akuzoni ne për sulm ndaj mediave, kur e vetmja gjë që kemi bërë është publikimi i pyetjeve që kanë për autor Sekretarin e Mediave në PS z.Alfred Peza dhe email që ka për autor deputetin e PS z.Sadri Abazi?”- shkruan Blushi ndër të tjera.

Postimi i plotë:

Zëdhënësi i Kryeministrit ende në detyrë paska pretenduar se ne kemi sulmuar familjen e një botuesi dhe të një gazetari. Zëdhënësi i Kryeministrit ende në detyrë paska pretenduar se ne kemi sulmuar familjen e një botuesi dhe të një gazetari.

MASHTRIM! FAKE NEËS!

Sepse edhe nëse kjo ka ndodhur, këtë nuk e kemi bërë ne, por Sekretari për Marrëdhëniet me Shoqërinë Civile dhe Mediat në Partinë Socialiste, z.Alfred Peza.

Ne vetëm sa kujtuam pyetjet publike që ai ka adresuar në shkrimin e tij të datës 23 tetor 2018, të cilin po e rikthejmë për t’i freskuar memorien zëdhënësit të Kryeministrit ende në detyrë.

Nëse pyetjet e zyrtarit të lartë të PS përbëjnë sulm ndaj familjes së një botuesi kjo është çështje që duhet ta zgjidhni brenda Sektit tuaj. Shkruesi i tyre është z.Peza.

Nuk mund të na akuzoni ne për autorësinë e tyre.

Sa për gazetarin, ne publikuam një email që na ka mbërritur nga një deputet i grupit parlamentar të PS, meqë dhe radhët po ju shkërmoqen me afrimin e 25 prillit.

Në këtë e-mail dallohet qartë komunikimi i deputetit tuaj, z.Sadri Abazi.

Nëse e keni përjashtuar z.Abazi nga Partia, dhe dyshoni se ai ka filluar punë në Presidencë, kjo nuk është e vërtetë.

Për hir të transparencës ne po e publikojmë edhe këtë e-mail të plotë për t’ju rrëzuar çdo alibi.

Mos u bëni qesharakë deri në këtë pikë! Si mund të na akuzoni ne për sulm ndaj mediave, kur e vetmja gjë që kemi bërë është publikimi i pyetjeve që kanë për autor Sekretarin e Mediave në PS z.Alfred Peza dhe email që ka për autor deputetin e PS z.Sadri Abazi? Ndajeni mendjen!

Nëse e keni sulmuar vetë botuesin dhe gazetarin, siç pretendoni, drejtoni gishtin nga vetja dhe kërkoni falje publikisht.

Përndryshe, heshtni dhe prisni me durim përgjigjet e pyetjeve!

Apo mos në atë kohë i ka nxitur vetë Buburreci Trendi këta dy deputetë? Mos ka qenë vetë Buburreci Trendi autor i pyetjeve dhe i email?!

Nëse është kështu e ftojmë z.Peza dhe z.Abazi t’u thonë shqiptarëve të vërtetën! Nejse! Kjo është çështja juaj!
Vetëm “koordinohuni” kur mashtroni njëri-tjetrin se u bëtë gazi i botës!

LIRINË DHR PAVARËSINË E MEDIAS DO TA MBROJMË ME ÇDO KUSHT! Dhe mos harroni: ORA E PËRBALLJES PO AFRON!

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet