Vetingu i ashpër? Soreca: Reforma s’është e përsosur, vetingu mund të zbutet më vonë

Aktualitet
Vetingu i ashpër? Soreca: Reforma s’është e përsosur,

“Reforma në drejtësi nuk është e përsosur, është e qartë që ka qenë një aventurë unike. Ka nevojë për më shumë burime që vetingu të ecë më shpejt”. Mes te tjerash keto ishin pohimet e ambasadorit te BE ne Tirane Luigi Soreca.

Në një orë intervistë në Euronews Albania, ambasadori i BE, z. Luigi Soreca u pyet edhe për vonesat dhe mangësitë e reformës në drejtësi.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Mendoj që reforma në drejtësi është më shumë se e domosdoshme,” shtoi ai.

I pyetur nëse duhen lehtësuar disi kriteret, të cilat janë kritikuar nga disa si shumë të ashpra dhe të vështira, ambasadori u përgjigj kështu:

“Kjo duhet parë në një fazë të dytë, tani përparësia e vërtetë është përfundimi i ngritjes së institucioneve, përparësia numër një për Gjykatën kushtetuese, të Lartën,” tha z. Soreca.

Gazetarja Ilva Tare e pyeti ambasadorin lidhur me fakti që BE është pjesë e reformës në drejtësi përmes Misionit Ndërkombëtar të Monitorimit dhe me besimin e disave se BE ka njëfarë konflikti interesi kur bëhet fjalë për suksesin e reformës.

“Reforma nuk është e përsosur dhe zbatimi i saj ka treguar se ka hapësirë për përmirësim, është rreptësishtë e domosdoshme për Shqipërinë.

Numri i të larguarve është tejet i lartë për të thënë se nuk ka qenë e nevojshme,” komentoi ambasadori Soreca, duke shtuar se nuk ka qenë në detyrë kur u miratua reforma në drejtësi dhe kjo i ka mundësuar ta shohë reformën dhe në distancë në mënyrë jo të njëanshme.

ME TE LEXUARAT