Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Greqi-Shqipëri në Hagë/ Analisti grek: Përmirësohet imazhi jonë, do të shihet nëse Rama mori “bekimin” e “mikut Erdogan”

Gazetari i gazetës “Kathimerini” Stavros Tzimas në një analizë mbi marrëveshjen e shikon në këndvështrime të ndryshme, por në fund thotë se është një mundësi e mirë për rinisje mes dy popujve.
GREQI– Marrëveshja mes Shqipërisë dhe Greqisë për çështjen e kufirit detar e cila do të zgjidhet në gjykatën ndërkombëtare të Hagës akoma vijon dhe flitet në mediat ndërkombëtare.

Në ato greke kjo është tema e çdo dite, që nga ardhja e ministrit të jashtëm Dendias në Tiranë. Gazetari dhe analisti i gazetës “Kathimerini” Stavros Tzimas në një analizë mbi marrëveshjen e shikon në këndvështrime të ndryshme, por në fund thotë se është një mundësi e mirë për rinisje mes dy popujve.

Ai thekson se në vitin 2009 ishte Shqipëria ajo e cila refuzoi marrëveshjen dhe nuk donte as të kthehej në mënyrë që ti jepte një zgjidhje.

‘Me marrëveshjen për të shkuar në Hagë, Greqia përmirëson imazhin e saj ndërkombëtarisht, si një vend që kërkon dhe mund të zgjidhë çështje të pazgjidhura me fqinjët e saj në bazë të legjitimitetit ndërkombëtar dhe Shqipëria merr vlerësime nga partnerët në pritje të një date për fillimin e negociatave për pranimin e saj në BE.‘- shkruan gazetari Tzimas.

Më pas ai përmend dhe Ramën ku cilëson miqësinë që ka me liderin turk, Erdoganin.‘Rama mori “bekimin” e “mikut Erdogan” për të rënë dakord ose për të paraqitur interesat e vendit të tij si dhe tonat dhe perspektiva e tij evropiane, është një çështje që do të shihet gjatë dhe do të gjykohet’- thekson gazetari grek.

Shkrimi i plotë i Stavros Tzimas për “Kathimerini”

Marrëveshja midis Greqisë dhe Shqipërisë, për t’iu drejtuar Tribunalit të Hagës për përcaktimin e zonave detare, është një zhvillim pozitiv në marrëdhëniet dypalëshe, më e rëndësishmja, për mendimin tim, pas nënshkrimit të Paktit të Miqësisë nga Presidenti i atëhershëm në vitin 1996 në Tiranë. Marrëveshja për EEZ e nënshkruar në 2009 ishte e vdekur gjithsesi pasi u refuzua nga Gjykata Kushtetuese e Shqipërisë dhe nuk bëhej fjalë për kthimin e saj në procesin e zgjidhjes. Por meqenëse të dy palët donin ta mbyllnin çështjen, për arsyet e tyre, u duhej të gjenin një mënyrë të pranueshme dhe zgjodhën Hagën. Me marrëveshjen për të shkuar në Hagë, Greqia përmirëson imazhin e saj ndërkombëtarisht, si një vend që kërkon dhe mund të zgjidhë çështje të pazgjidhura me fqinjët e saj në bazë të legjitimitetit ndërkombëtar dhe Shqipëria merr vlerësime nga partnerët në pritje të një date për fillimin e negociatave për pranimin e saj në BE.

Nëse Rama mori “bekimin” e “mikut Erdogan” për të rënë dakord ose për të paraqitur interesat e vendit të tij – si dhe tonat – dhe perspektiva e tij evropiane, është një çështje që do të shihet gjatë dhe do të gjykohet. Në fund të fundit, rruga për në Hagë do të jetë e gjatë dhe jo pa pengesa, ndërsa vendimi i Gjykatës, i detyrueshëm për palët, – me shumë gjasa – mund të devijojë nga dëshira politike dhe synimet e secilës palë. Do të ketë ankesa dhe ato tashmë kanë filluar, por kur shkoni në një negociatë – pjesë e së cilës është edhe Haga – kurrë nuk i merrni ose nuk i jepni të gjitha. Avokatët, diplomatët dhe ekspertët në Ligjin e Detit, do të thirren për të mbrojtur pozicionet e vendeve të tyre. Ekziston diçka po aq e rëndësishme në marrëveshjen për EEZ: qasja ndaj një çështje kaq të rëndësishme mund dhe duhet të “zhbllokojë” marrëdhëniet greko-shqiptare, duke krijuar një klimë të favorshme për zgjidhjen e çështjeve të tjera të pazgjidhura, të cilat mbeten të bllokuara. Tani mund të jetë koha e duhur që Tirana dhe Athina të shtypin butonin e rinisjes, në interes të të dy popujve. Mundësia nuk duhet të humbasë.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet