Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

E sorollatën në dy spitale, humb jetën 53-vjecari në Tiranë

Ditën e premte shtetasi Lutfi Çekiri, u paraqit në Qendrën Spitalore Universitare “Nënë Tereza” për të marrë ndihmë mjekësore.

Aty e kishin adresuar mjekët e Spitalit të Traumës, të cilët pasi i bënë një serum dhe e mbajtën disa orë në urgjencë mbrëmjen e së enjtes, e drejtuan në QSUT.

53-vjeçari nga Ndroqi me gjithë bashkëshorten, në kushte të vështira shëndetësore provoi çdo derë të QSUT-së, por nuk mori shërbim.

Ai vuante nga diabeti dhe stomaku por mjekët me të cilët mundi të fliste i thanë se duhet të shkonte në fshat te mjeku i lagjes.

Sorollatja nga Trauma te QSUT dhe indiferenca e mjekëve rezultoi vdekjeprurëse për 53-vjeçarin.

Bashkëshortja tha për Ora News se Lutfi Çekiri ndërroi jetë mbrëmjen e së premtes pasi nuk iu ofrua ndihmë.

Angazhimi i personelit mjekësor në përballimin e pandemisë ka lënë në hije dhe harresë shërbimet e tjera shëndetësore të cilat janë jetike për mijëra pacientë.

Edhe pse ky shqetësim është denoncuar disa herë nga media e qytetarë, Ministria e Shëndetësisë vijon të mos ndërmarrë asnjë hap për zgjidhjen e kësaj situate duke sjellë pasoja të rënda deri në fatalitet për pacientët.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet