Falja e gjobave të Covid-it/ Del udhëzimi, dokumentet që duhen

Aktualitet
Falja e gjobave të Covid-it/ Del udhëzimi, dokumentet që duhen

Ka hyrë në fuqi udhëzimi me procedurat për qytetarët dhe bizneset që do të marrin kthimin e shumës së gjobave të paguara për shkeljen e rregullave dhe akteve ligjore, sa i takon parandalimit të Covid-19.

Udhëzimi është botuar në Fletoren Zyrtare dhe është në mbështetje të zbatimit të aktit normativ të qeverisë për faljen e gjobave për ata që thyen rregullat nga data 17 prilli deri në 7 tetor. Po kështu janë falur edhe gjobat e vendosura nga pushteti vendor për familjet e dëmtuara nga tërmeti, saktësisht shkeljet gjatë riparimeve apo rindërtimit të banesave individuale.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Udhëzimi përcakton se për kthimin e shumës së gjobës, qytetarët dhe biznesi duhet të paraqesin pranë institucionit që ka vendosur masën administrative të dhënat personale, IBAN-in e llogarisë bankare, ndërsa bizneset duhet të paraqesin NIPT-in dhe vërtetimin e regjistrimit të tyre nga Qendra Kombëtare e Regjistrimit.

Akti normativ përcakton se kthimi i shumës të gjobës të paguar në llogaritë bankare të përfituesve, por edhe kthimi i licencave apo lejeve të bllokuara të mjeteve do të kryhet brenda datës 15 nëntor.

ME TE LEXUARAT