Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

“Kryebashkiaku i PD firmosi pro inceneratorëve”, Veliaj nxjerr dokumentin

Kryetari i Bashkise se Tiranes Erion Veliaj iu eshte pergjigjur diten e sotme disa prej akuzave te opozites ne lidhje me ceshtjen e inceneratoreve.

Gjate fjales se mbajtur =në asamblenë socialiste të Njësisë 7, kryebashkiaku Veliaj publikoi një dokument ku ish-kryebashkiaku i PD në Kavajë, Isa Sakja, jepte pëlqimin për ndërtimin e inceneratorit për mbetjet.

“Meqë jemi në debatin e inceneratorëve, pashë sot që Bashkia e Kavajës, e cila drejtohej nga një kundërshtar i yni politik, kryetari Isa Sakja, thotë: Bashkia Kavajë, në përputhje me kontratën e koncesionit ‘Për ndërtim landfill inceneratori dhe rehabilitimi i vend-depozitave ekzistuese Tiranë dhe prodhimin e energjisë elektrike’, në mënyrë të parevokueshme dhe pa kushte pranojmë dhe deklarojmë se Bashkia Kavajë është vënë në dijeni dhe ka pranuar, ka kuptuar të gjithë të drejtat e detyrimet që dalin nga kontrata dhe anekset e saj për bashkinë dhe sa më sipër:

Angazhohemi për të gjitha detyrimet që rezultojnë si të tilla për Bashkinë Kavajë, duke përfshirë edhe kryerjen e të gjitha pagesave për depozitimin e përpunimin e mbetjeve sipas çmimit 29 euro/ton”, tha Veliaj.

Ai theksoi se PS-ja ka dhënë prova që e çojnë Tiranën dhe Shqipërinë përpara, ndërsa ata që janë sot në opozitë vranë dhe nuk bënë asnjë punë. “Tani, pse kur e bëjmë ne këtë gjë është keq dhe kur bëjnë këta është mirë?! Pse duhet të jetë kjo frymë përçarëse? Pse do të duhet që t’i ndajmë njerëzit në këtë farë feje?

Pse duhet që të dëgjojmë ende sot ata që e kishin Tiranën, ata që e kishin Shqipërinë, atyre që u ngeci Sahati, ata që vranë njerëz në Bulevard, ata që nuk përfunduan dhe shkatërruan rrugën e Kombit, ata që shitën detin, ata që na e kanë dhënë me provë që sa herë e kanë prekur shtet dhe qytet, e kanë shkatërruar, ndërkohë ne kemi dhënë me provë që sa herë vëmë duart për të rregulluar, ndrequr, investuar, qyteti shkon përpara”, deklaroi Veliaj.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet