Vatrat e infeksionet, 3 qytetet që mbajnë “rekordin” në Shqipëri

Aktualitet
Vatrat e infeksionet, 3 qytetet që mbajnë “rekordin”

Specialistët e Shëndetit Publik paralajmëruan se me uljen e temperaturave do të rritet numri i të infektuarve me Covid-19. Për të frenuar përhapjen masive, qeveria ka vendosur që të mbahen maskat edhe në ambiente të jashtme, duke vendosur edhe masa ndëshkimore me gjobë në rast shkelje.

Ndërkohë, ditët e fundit në vendin tonë janë regjistruar shifra të larta të të infektuarve me Covid-19. Ministria e Shëndetësisë njoftoi dje se në 24 orët e fundit janë kryer 1289 testime, nga të cilët kanë rezultuar pozitivë 273 qytetarë të prekur nga virusi SARS-COV2.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Nga të dhënat zyrtare rezulton se Tiranë është vatra kryesore e infeksionit, me 3176 raste aktive. Mirëpo, ekspertët besojnë se numri i të infektuarve është më i lartë, pasi një pjesë e mirë e të prekurve e kalojnë Covid-19 në shtëpi pa u testuar, ose janë asimptomatikë.

Pas kryeqytetit, Durrësi është qyteti që ka numrin më të lartë të të infektuarve aktivë, ndjekur nga Shkodra.

Shpërndarja gjeografike e rasteve aktive sipas qarqeve:

Tiranë 3176

Durrës 651

Shkodër 451

Fier 364

Korçë 356

Lezhë 324

Elbasan 265

Vlorë 231

Berat 182

Kukës 165

Dibër 84

Gjirokastër 76

ME TE LEXUARAT