Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

“Thesar në Mesdhe”, Erdogan: Rezervat e gazit natyror në Detin e Zi arritën në 405 miliardë metra kub

Presidenti Recep Tayyip Erdogan i shoqëruar nga zëvendëspresidenti Fuat Oktay, Ministri i Thesarit dhe Financave Berat Albayrak, Drejtori i Komunikimeve të Presidencës Fahrettin Altun, zëdhënësi i Presidencës Ibrahim Kalin bëri inspektime në anijen e kërkimeve sizmike Fatih.

“Pas rezervës prej 320 miliardë metra kub gaz natyror u gjetën edhe 85 miliardë metra kub gaz natyror në Detin e Zi. Në rajonin e Tuna 1 në platformën e Sakaryas, rezervat e gazit natyror deri më tani arritën në 405 metra kub gaz natyror”, tha Erdogan.

Në fjalimin e tij të mbajtur nga anija e kërkimeve sizmike “Fatih”, Erdogan tha se objektivi i Turqisë është që këtë gaz ta vë në përdorim të popullit në vitin 2023.

Ai tha se me mundësitë vendase dhe kombëtare sektori i naftës së Turqisë ka fituar robotin nënujor “Kasif”, produkt i teknologjisë së përparuar të telekomanduar në vend.

“Rezervave që kemi zbuluar falë rezultateve të testeve analizë dhe punimeve të detajuara të inxhinierisë i janë shtuar edhe 85 miliardë metra kub gaz. Ne nuk synojmë të drejtën dhe veçanërisht territorin e askujt.

Ne do të vazhdojmë të kërkojmë burime hidrokarburesh në Detin e Zi dhe në Mesdhe. Nëse Bashkimi Evropian nuk merr një qëndrim të drejtë në Mesdheun Lindor, kjo situatë do të jetë shpallje zyrtare se Unionit po i vjen fundi”, ishin ndër kryekapitujt në fjalimin e Presidentit Erdogan./TRT shqip/

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet