“S’kam dalë para jush për të bërë Kasandrën”, Basha: Keqqeverisja po rrezikon ditë për ditë jetën e shqiptarëve

Politikë
“S’kam dalë para jush për të bërë

TIRANE

Në bashkëbisedimin, e kthyer në të përditshëm tashmë për mediat, kryedemokrati Lulzim Basha, i parashtroi edhe një herë planin e PD për rimbëkembjen nga kriza që ka përfshirë vendin pas pandemisë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Urgjentisht të pajisen me tableta familjet që nuk kanë mundesi ekonomike t’i blejnë për fëmijët e tyre. Investim në teknologji për mësimin në distancë, të përgatitet infrastruktura në rast se shkollat mbyllen. 160 mijë lekë/muaj për të papunët, 200 mijë lekë/muaj për çdo rimarrje në punë nga biznesi.

Çek 1000 euro për biznesin e vogël. Subvencionim i qirasë, heqja e taksës së pronës, shtrirja në kohë e mundësisë për të marrë kredi me garanci shtetërore. “ u shpreh Basha, ndërsa theksoi se është e nevojshme zbatimi i këtij plani sa më parë.

“Çdo ditë që kalon e rëndon më shumë krizën. Numri i raportimeve ishte thuajse gjysma kur prezantuam këtë plan.

Kurrë s’kam dalë para jush për të bërë Kasandrën, por mos marrja e masave tregon qartë se shkaktari, përgjegjësi kryesor, nuk është më pandemia, po keqqeverisja që po rrezikon ditë për ditë jetën e shqiptarëve. “ vijoi Basha.

ME TE LEXUARAT