Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Naftë pa taksa për fermerët, përfitojnë ata që kanë tokë e që janë të regjistruar

Çdo fermer që është i regjistruar në tatime dhe ka një sipërfaqe toke do të pajiset me një kartë, e cila do të ketë të përllogaritur sasinë e naftës që i nevojitet për të punuar.

Numri dy i ministrisë së Bujqësisë, Roland Kristo jep disa detaje nga skema e re, ku hapi i parë është që fermeri të aplikojë tek portali E-Albania.

Përjashtimi i tre taksave të karburantit praktikisht do ta bëjë litrin e naftës gati 50% më të lirë. Shuma e lëndës djegëse që nevojitet për të punuar tokën për çdo fermer do të konvertohet në litra për të rimbushur kartën.

Qeveria thotë se i është referuar modelit të shtetit fqinjë Maqedonisë së Veriut, e cila prej vitesh aplikon një skemë të tillë të ngjashme.

Skema e re pritet të nisë nga zbatimi nga viti i ardhshëm. Pas peshkimit dhe serave me ngrohje tashmë lehtësimi nga barra e taksave për karburantin shtrihet dhe tek ata që punojnë tokën, duke plotësuar ciklin e punës në bujqësi.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet