U kap në Greqi me kamionin plotë me drogë, ja kush është shqiptari i arrestuar
Mëngjesin e sotëm, policia greke ka finalizuar operacionin anti-drogë, ku ka mundur të vërë në pranga dy shtetas shqiptarë.
Sipas policisë, dy shqiptarët, drejtues të dy kamionëve janë ndaluar për kontroll në aksin Kakavije-Janinë, në vendin e quajtur Kranulas dhe u është sekuestruar në njerin prej mjeteve 115 kilogramë marijuanë.
Mësohet se një nga shqiptarët e arrestuar është Spiro Dukoli, 29-vjeç dhe drejtonte kamionin me targa AA328ET.
Marijuana e sekuestruar ishte paketuar në 24 pako dhe ishte futur në pesë çanta të zeza. Po ashtu atyre iu gjetën dhe sekuestruan edhe katër telefona celularë dhe 1500 euro.