Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Evropa drejt valës së dytë të pandemisë

Shteti gjerman ka raportuar një rekord prej 2828 rastesh të reja të koronavirusit të mërkurën, numri më i lartë i infektimeve ditore që nga 18 prilli, sipas qendrës së vendit për kontrollin e sëmundjeve, institutit Robert Koch.

Gjermania numëron më shumë se 306 mijë raste koronavirusi dhe 9562 viktima.

Edhe në Itali shihet rritje të infektimeve, ku 24 orët e shkuara u raportuan 2677 të infektuar dhe 28 viktima.

Që nga dita e enjte, maska bëhet e detyrueshme në vend edhe në ambiente të hapura ndërkohë që qeveria po kërkon zgjatjen e gjendjes së emergjencës dhe masa të reja për të ndaluar përhapjen e virusit. Për ata që nuk do të mbajnë maskë, do të ketë ndëshkime me gjoba që fillojnë nga 400 deri në 1 mijë euro.

Ndërkohë, në francë janë regjistruar 10489 raste të reja dhe 66 viktima. Shqetësuese është situata në repartet e terapisë intensive, veçanërisht në Paris.

Britanina e madhe po ashtu ka regjistruar një rritje e re rastesh, 14542 në 24 orët e fundit, me një total që shkon në 530113 dhe 42369 viktima. Shifrat janë në rritje edhe në belgjikë dhe numri i të shtruarve po ashtu.

Situata në spitale është kritike dhe po shqyrtohen të gjitha mundësitë e masave shtesë duke evituar një izolim të ri.

Rekord rastesh edhe në republikën ceke, me 4457 raste të reja pozitive në një ditë.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet