Lulzim Basha viziton grevistët në Ballsh: Kjo pamje më trishton, Qeveria gënjen

Politikë
Lulzim Basha viziton grevistët në Ballsh: Kjo pamje më trishton,

Kryetari i Partisë Demokratike Lulzim Basha ka vizituar naftëtarët grevistë në Ballsh të Mallakastrës.

Basha tha se qeveria vazhdon të gënjejë dhe se minatorët e naftëtarët vazhdojnë të jenë klasa më e shtypur në Shqipëri.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Më vjen keq që ndodheni në këtë situatë. Qeveria vazhdon të gënjejë. Për hjerë të dytë gjendem në këtë gjendje të rëndë. Edhe atëherë e njëjta situatë, premtime që nuk mbahen. Shqipëria e di se Ballshi e Bulqiza janë më të pasurat dhe janë të varfër. Me këto pasuri pasurohet një grusht njerëzish, e naftëtarët e minatorët janë më të shtypurit në vend.

Këtë realitet e kam shumë parasysh. E gjitha është produkt i një serie aferash korruptive. Zgjidhjen do e marrë përsipër shteti. Vendim-marrja për disa muaj është e dikujt tjetër. Zgjidhja do të vijë pas 25 prilli”, tha Basha.

Lulzim Basha theksoi se pamja që shikon, me grevistët të shtrirë në Ballsh e trishton, duke nënvizuar se Shqipëria është një vend i bukur, por i vjedhur.

“Kjo pamje më trishton jashtë mase. Siç jenii shtrirë ju këtu, është shtrirë kështu gjithë Shqipëria. Nuk mban më që të vjedhësh çdo gjë e të lësh njerëzish kështu. Nuk ia vlen të vetë-sakrifikohesh për të. Unë fjalën kam sot, ndërsa kur të fitojmë, do të bëjmë realitet ato që po premtoj”, deklaroi Basha.

ME TE LEXUARAT