Prova të reja për vrasjen e Azem Hajdarit, prokurori: Berisha do pyetet për kasetën sekrete
Prokuroria mbrojti sot ne gjykate kerkesen per te thirrur deshmitar ne gjyq Sali Berishen ne procesin ndaj Izet Haxhise. Akuza pretendoi se ka prova te reja për vrasjen e ish liderit të dhjetorit, Azem Hajdari, te cilat janë siguruar nga prokuroria në procesin ndaj Izet Haxhias, një prej të akuzuarve për krimin e rëndë.
Prokurori i çështjes Dritan Nushi dorezoi një usb me materiale filmike qe janë marre nga mediat e asaj kohe.
Sipas tij ato sjellin prova te reja lidhur me vrasjen. Por trupi gjykues i kërkoi prokurorit që të paraqiste edhe autorizimin përkatës për përdorimin e pamjeve filmike.
Ne keto pamje, sic duket edhe ne foto, Sali Berisha shfaqet duke pyetur Zenel Nezen, ish truproja e Azem Hajdarit, deshmitar okular i mbijetuar ne atentat. Berisha ka mesuar deshmine e Nezes ne spital ndersa prokuroria pretendon se ish kreu i PD dhe Ylli Rakipi, kane regjistruar deshmine e Nezes e cila nuk i eshte vene ne dispozicion prokurorise ne asnje rast.
Të dyja palët, si organi i akuzës ashtu edhe avokati mbrojtës, kanë dorëzuar një kërkesë me emra të cilët sipas tyre do të zbardhin përfshirjen e Izet Haxhisë në vrasjen e Azem Hajdarit. Mes tyre eshte edhe ish kryeministri Sali Berisha.
Avokati i Izet Haxhise, Idajet Beqiri, pretendon se mbesa e Berishës ka parë lëvizjen e autorëve të vrasjes para ngjarjes dhe e ka njoftuar atë. Ai kërkon nga ish kryeministri që të japë shpjegime se pse nuk njoftoi policinë, por Azem Hajdarin për praninë e agresorëve.
Rihapja e dosjes për Izet Haxhinë erdhi pas kërkesës që ai bëri në gjykatën e apelit, kërkesë e cila u pranua. Ndërkohë, Gjykata Penale e Tiranës pritet të shprehet në datën 9 tetor lidhur me kërkesën e prokurorisë dhe të mbrojtjes për thirrjen e dëshmitarëve në gjyq.
