Macron diskuton me Putinin: "Duhet armëpushim mes Armenisë dhe Azerbajxhanit"

Bota
Macron diskuton me Putinin: "Duhet armëpushim mes Armenisë dhe

Presidenti i Rusisë, Vladimir Putin, dhe homologu i tij francez, Emmanuel Macron, bënë thirrje për armëpushim midis forcave të Azerbajxhanit dhe atyre armene, të cilat janë duke luftuar rreth rajonit të kontestueshëm të Nagorno Karabakut.

 

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

 

Kremlini deklaroi të enjten se dy presidentët diskutuan përmes telefonit përpjekjet diplomatike për të shtensionuar situatën.

 

“Vladimir Putin dhe Emmanuel Macron u bëjnë thirrje palëve luftuese që të zbatojnë një armëpushim të menjëhershëm dhe të plotë, të ulin tensionet dhe të tregojnë përmbajtje maksimale”, thuhet në deklaratën e Kremlinit.

 

Luftimet në Nagorno Karabak – më të rëndat në vitet e fundit – kanë nisur fundjavën e kaluar.

 

Më shumë se 100 njerëz janë raportuar të vrarë.

 

 

Zyrtarisht pjesë e Azerbajxhanit, Nagorno Karabaku qeveriset nga armenët etnikë.

 

Dy republikat sovjetike kanë zhvilluar një luftë për territorin më 1988-1994, e cila ka lënë rreth 30,000 njerëz të vrarë.

 

Është e paqartë se çfarë i ka shkaktuar luftimet e fundit.

 

Forcat e Azerbajxhanit dhe ato armene u zotuan se do t’i vazhdojnë luftimet, duke rritur shqetësimet për një luftë në shkallë të plotë.

ME TE LEXUARAT