Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Premton ministrja Kushi: Do t’i mbështesim në çdo aspekt fëmijët me aftësi ndryshe!

Ministrja e Arsimit, Evis Kushi, premton se do të bëjë gjithmonë çka është e mundur që fëmijët me #aftësi ndryshe t’i kemi në #fokus të veçantë dhe t’i mbështesim në çdo aspekt.

Mesazhi i Kushit:

Së bashku me kolegun tim deputet Ervin Bushati përjetuam disa momente shumë të ngrohta pranë fëmijëve të “Institutit të Nxënësve që Nuk Dëgjojnë”. U gëzova shumë ndërsa pashë nga afër se si ky institut është organizuar mjaft mirë për mbarëvajtjen e procesit mësimor dhe respektimin e çdo mase anti-COVID.
Plot 73 nxënës në total gëzojnë #përkujdesje maksimale nga stafi i përkushtuar dhe përveç akomodimit dhe shërbimeve ditore pranë institutit kanë kushte të favorshme për shërbimin mjekësor, dentar, psikologjik dhe atë logopedik.

Kurrikulës së programit të shkollës, e cila bazohet në atë të arsimit 9-vjeçar të përgjithshëm, i është shtuar vjet edhe gjuha e shenjave shqipe duke përmirësuar kështu procesin e mësimdhënies dhe orientimin drejt edukimit dygjuhësh: në gjuhën e shenjave dhe në gjuhën e shkruar shqipe. Njëkohësisht, pranë institutit zhvillohen lëndë speciale për zhvillimin personal; lëndë profesionale si rrobaqepsia, këpucaria apo zdrukthtaria; sikurse ditë për ditë nxënësit zhvillojnë orë të shumta të edukimit sportiv dhe fizik.

Ne si #MASR, falë edhe politikave tona të gjithëpërfshirjes, do të bëjmë gjithmonë çka është e mundur që fëmijët me #aftësi ndryshe t’i kemi në #fokus të veçantë dhe t’i mbështesim në çdo aspekt.
#Gjithëpërfshirje

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet