Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Angela Merkel viziton kritikun e Kremlinit Navalni në spital

Zëdhënësi i Merkelit, Steffen Seibert konfirmoi se kancelarja e takoi privatisht me Navalnin, kur atë po e mjekonin për helmimin. Gjermania ka kërkuar përgjigje nga Kremlini në lidhje me incidentin.

Kancelarja Angela Merkel e vizitoi personalitetin opozitar rus, Aleksej Navalni, kur atë po e mjekoninin për helmimin në një spital të Berlinit, tha të hënën zëdhënësi i qeverisë gjermane Steffen Seibert.

Seibert konfirmoi raportin e vetë Navalnit se “vizita personale” u zhvillua, por nuk pranoi të japë detaje të tjera.

Për vizitën raportoi së pari revista gjermane Der Spiegel. Në një postim për ta ndarë artikullin në Twitter, Navalnit e mohoi pretendimin e revistës se vizita ishte “sekrete”.

“Ishte një takim, por nuk duhet ta quash “sekret”,” shkroi 44-vjeçari.

“Përkundrazi, ishte një takim privat dhe një bisedë me familjen. Unë i jam shumë mirënjohës kancelares Merkel që më vizitoi në spital.”

Navalny u lirua nga spitali Charite në kryeqytetin gjerman javën e kaluar pasi iu nënshtrua një muaji trajtim për helmim. Organizata joqeveritare gjermane, që organizoi evakuimin e tij nga Siberia në Berlin tha se ai është i vendosur të kthehet në Rusi.

Laboratorë në Gjermani, Francë dhe Suedi konfirmuan se kritikun e Kremlinit e helmuan me një lëndë kimike luftarake të grupit Noviçok.

Qeveria gjermane ka kërkuar një shpjegim nga Kremlini në lidhje me helmimin. Moska ka mohuar çdo përfshirje në incident dhe e ka akuzuar Berlinin për pengimin e hetimit për çështjen.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet