Vizat amerikane/ Administrata Trump propozon ndryshime

Bota
Vizat amerikane/ Administrata Trump propozon ndryshime

Administrata Trump ka propozuar një limit kohor fiks për vizat e studentëve të ndërkombëtarë, kërkuesit dhe gazetarët e huaj, duke nënvizuar shqetësimin ndaj abuzimeve me programin ekzistues të vizave dhe si potencial për shtim të rrezikut ndaj sigurisë kombëtare.

Zyrtarët shpresojnë në eleminimin e “kohëzgjatjes së statusit” për këtë kategori vizash. Propozimi, që duhet të kalohet në Regjistrin Federal nuk specifikon ndonjë vend, por thuhet se e ka marrë shtysën nga shfrytëzimi që i është bërë disa mangësive në sistem nga Kina.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Në të tre kategoritë e studentëve të huaj, studiuesve dhe gazetarëve, personat nga Kina janë ata që kanë përfituar më shumë. Aktualisht, një mbajtës i një vize F-1 mund të qëndrojë në vend derisa studenti të përfundojë një program studimi ose nëse studenti vazhdon të plotësojë kërkesat e programit.

Rregullorja e propozuar, prej 256 faqesh, e publikuar të enjten nga Departamenti i Sigurisë Kombëtare të Shteteve të Bashkuara do të përcaktonte datat e skadimit 4-vjeçar dhe do të ofronte dy vite për ata që marrin trajnim gjuhësor, me hapësira të kufizuara për të aplikuar për një zgjatje të afatit.

Kohëzgjatja e qëndrimit mund të reduktohet në një maksimum prej dy vitesh të qëndrimit të autorizuar në SHBA nëse një shtetas i huaj ka lindur apo mban shtetësinë e një vendi që është në listën e Shtetit Sponsor të Terrorizmit.

ME TE LEXUARAT