Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Denoncimi i gazetarit: Gruaja e anëtarit të KLP drejt Këshillit Mbikëqyrës të Bankës së Shqipërisë

Gruaja e nje anetari te KLP dukt se do te zgjidhet nga mazhoranca ne Keshillin Mbikqyres te Bankes se Shqiperise.

Gazetari Klodian Tomorri denoncoi rastin e bashkëshortes së Vatë Stakës, anëtar i Këshillit të Lartë të Prokurorisë, që do zgjidhet nga socialistët si pjesë e Këshillit Mbikëqyrës të Bankës së Shqipërisë.

Sipas gazetarit, bashkë me drejtësinë mazhoranca po kap edhe Bankën e Shqipërisë.

Postimi i plotë i gazetarit:

“Shih ca i bëjnë shtetit këta.

Kanë bërë gati 28 firmat në Parlament për të zgjedhur bashkëshorten e Vatë Stakës në Këshillin Mbikëqyrës të Bankës së Shqipërisë. Vata është anëtar i KLP-së, Këshillit të Lartë të Prokurorisë. Si fillim kapim institucionet e drejtësisë.

Por nuk mbaron me kaq. Zonja Staka tha dje në Komisionin Parlamentar të Ekonomisë me krenari të madhe se ‘jam anëtare e Partisë Socialiste’. E tha me zë dhe figure kur e pyeti një deputet.

Ligji e do bankën të pavarur dhe anëtarët e Këshillit Mbikëqyrës të depolitizuar. Me një gur vrasim dy zogj. Kapim edhe KLP-në, edhe Bankën e Shqipërisë. E mbani mend si bërtisnin për Petraq Milon këta atëherë?

Nga ana tjetër, Sulltani del e thotë tatim zero për të gjitha bizneset me xhiro deri në 14 milionë lekë ose 130 mijë dollarë në vit. Shih sa antishtet dhe të pandershëm janë.

Fito 30 mijë dollarë në vit me biznes dhe nuk paguan tatim. Merr rrogë 10 mijë euro ne vit dhe paguan 13 për qind. E shembën shtetin, e masakruan“.

Pergjigju

Adresa juaj e-mail nuk publikohet