Tre të vdekur nga cikloni në Greqi, i moshuari nxirret i pajetë nga rrënojat e shtëpisë
Rritet numri i viktimave nga cikloni “Janos” që goditi Greqinë. Deri tani, numërohen tre të vdekur.
Autoritetet greke gjetën këtë të dielë një 62-vjeçar të pajetë nën rrënojat e shtëpisë së shembur në Kastania, Karditsa.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Ai ishte i zhdukur, por u gjet i vdekur teksa tentohej të nxirrej nga çatia e shembur.
Të shtunën u regjistruan dy vdekjet e para nga cikloni, një grua nga Farsala dhe një blegtor në Karditsa.
Nga ana tjetër, vazhdon të mbizotërojë ankthi për gjetjen e një shoferje 43-vjeçare dhe të një bariu.
Të dy ata janë të zhdukur. Deri tani, operacionet e kërkim-shpëtimit kanë gjetur vetëm makinën e 43-vjeçares.