Rama intervistë për televizionin grek: “Krenar që Edogan është miku im, ndaj...”

Aktualitet
Rama intervistë për televizionin grek: “Krenar që Edogan

Kryeministri Edi Rama, në një intervistë për kanalin televiziv grek MEGA mëngjesin e sotëm, ka theksuar edhe njëherë se kërkesa e Greqisë për shtyrjen e kufirit detar me 12 milje, është e drejtë ndërkombëtare.

I pyetur rreth raportit me Presidentin turk, Rama thotë se nuk e ka fshehur asnjëherë që Erdogan e ka mik, e madje shprehet krenar për këtë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Ndërkohë, sa i përket konfliktit Greqi- Turqi për Mesdhehun, Ram shprehet se dy vendet janë të aftë për ta zgjidhur vetë këtë mosmarrëveshje.

“Ne kaluam një përvojë absurde tipike ballkanike dhe klasike të patriotizmit të rremë, i cili nxiti formën më ekstreme të zjarrit, pasi Kryeministri juaj iu drejtua parlamentit, gjatë diskutimit të marrëveshjeve me Italinë dhe Egjipti për zonat detare. Çështja midis Greqisë dhe Shqipërisë është e veçantë, sepse të dy vendet nuk mund të vazhdojnë me zgjerimin e tyre në mënyrë të njëanshme, pa një marrëveshje midis tyre.

Pas disa javësh unë do të pres Ministrin e Jashtëm në Shqipëri për të diskutuar këtë çështje dhe menjëherë më pas shpresoj të pres Kryeministrin Grek. Jam krenar që jam mik i Erdoganit. Ai kurrë nuk u përpoq të më tregonte asgjë në lidhje me të. Ka qenë një çështje që nga viti 2009 që duhet të zgjidhet. Ne mund ta zgjidhim atë. Greqia dhe Turqia janë mjaft të pjekura për të zgjidhur çështjen më vete. Secili prej vendeve ka këndvështrimin e tij, të cilat padyshim që janë në konflikt, por të dy kanë një interes të plotë në zgjidhjen e çështjes. Të gjitha provat sugjerojnë se Greqia dhe Turqia duhet të takohen, ta zgjidhin atë dhe të bashkëjetojnë në të ardhmen”, ka deklaruar kryeministri Rama.

ME TE LEXUARAT