Lajmi Fundit
LajmiFundit, Portal me Lajme nga Shqiperia

Vakanca në Gjykatën Kushtetuese, KED i lejon kandidimin prokurorit Altin Binaj, s’kualifikohen të tjerët

KED ka miratuar lejimin e kandidimit të prokurorit Altin Binaj për vendin vakant në Gjykatën Kushtetuese.

Kjo Gjykatë prej vitesh tashmë në mosfunksionim është në proces ringritje dhe tashmë Binaj do të kandidojë për një nga pozicionet në të.

Por ndërkohë KED i ka ndaluar kandidimin Artan Spahiut dhe Dedë Kasnecit duke i s’kualifikuar. Kurse Gentian Mete është tërhequr nga kandidimi.

Altin Binaj ka kaluar Vettingun teksa më parë ka qenë prokuror në Prokurorinë e Përgjithshme dhe drejtues i Prokurorisë së Apelit Vlorë.

Ky vendim i KED vjen pas kritikave që Meta u drejtoi sot për vonesat që po bënte ky institucion lidhur me emërimet që çojnë në ringritjen e Gjykatës Kushtetuese dhe asaj të Lartë.

Deri më tani Gjykata Kushtetuese përbëhet nga Vitore Tusha, anëtare me kompetenca kryetari, Fiona Papajorgji, Elas Toska dhe Marsida Xhaferllari.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet