Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

“Konflikti Greqi-Turqi mundet të shkaktojë një luftë të madhe në rajon”

Tensioni në Detin e Mesdheut që ka nisur prej disa kohësh mes Turqisë dhe Greqisë ka rrezik që të përshkallëzohet në një luftë të madhe ku do të marrin pjesë edhe shtetet e tjera, shkruan CCN.

Ushtritë e të dy vendeve kryen manovra ushtarake në të njëjtën ditë ne Detin Mesdhe duke e shtyrë më tej konfliktin që ka nisur.

Gjermania është përpjekur të shuaj konfliktin në këtë rajon po deri tani nuk ka arritur asnjë progres ndërsa Franca një nga vendet kryesore në NATO ka deklaruar se është e gatshme që të rrisë kapacitete ushtarake në Mesdhe.

“Dritarja e bisedimeve mes Greqisë dhe Turqisë duhet të ishte e hapur dhe jo të mbyllej më shumë. Përveç kësaj në vend të provokimeve të reja duhet të shkojmë drejt uljes së tensioneve dhe arritjes të një marrëveshjeje që do të jetë e mirë për të dy palët”, tha Ministri i Jashtëm Gjerman, Heiko Mass në Twitter.

Tensionet u shtuan pasi Ankaraja njoftoi zgjatjen e misionit të saj në Mesdhe ditën e hënë. Anija e kërkimeve sizmike ‘Oruc Reis’ shoqërohet me anije detare ushtarake të marinës Turke.

Sipas një studimi në 2010 nga Sondazhi Gjeologjik i SHBA, baseni i Mesdheut Lindor ka një rezervë prej 1.7 miliard fuçi nafte dhe rreth 122 trilion metër kub gaz.

“Greqia po përgjigjet me qetësi dhe me gatishmëri si në nivelin diplomatik ashtu edhe në atë operacional. Dhe me besim kombëtar bën gjithçka që nevojitet për të mbrojtur të drejtat e saj sovrane,” u tha zëdhënësi i qeverisë Greke Stelios Petsas para gazetarëve të hënën.

Presidenti Turk Rexhep Taip Erdogan ka reaguar duke e cilësuar Greqinë si fajtoren e vetme të tensioneve që po ndodhin në Detin e Mesdheut.

Ai e akuzoi se po mundohet të nënshkruaj marrëveshje me disa vende të caktuar për të rritur besueshmërinë sepse deri tani I mungon.

Kjo lidhet më ndihmën që ka marrë nga një anëtare e Bashkimit Europian dhe NATOS-s, Franca, ndërsa në rajon është duke u përkrahur nga Emiratet e Bashkuara Arabe dhe Egjipti.

“Mosmarrëveshja territorial mes Turqisë dhe Greqisë dhe ndarja e ishullit të Qipros ka shkaktuar problem të vazhdueshme në rajonin e Mesdheut, por konflikti I ri I nisur për rezervat e hidrokarbureve kanë ndryshuar gjithçka duke e kthyer në një fushëbetejë Detin Mesdhe”, tha Michael Tanchum një anëtarë në Institutin Austriak për Studime Evropiane dhe të Sigurisë.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet