Sherri në Mykonos/ “Dy shqiptarët i injektuan motrës drogë”, kapiteni i Man. United tentoi të korruptonte policët

Kosovë&Rajon
Sherri në Mykonos/ “Dy shqiptarët i injektuan motrës

Kapiteni i skuadrës angleze Manchester United, Harry Maguire raportohet sot se kishte tentuar të korruptonte oficerët e policisë greke pas sherrit të rëndë në një bar të ishullit Mykonos me disa shqiptarë, ndërsa u kishte bërë presion policëve duke thënë: “A e dini kush jam unë? Jam kapiteni i Manchester United”.

Sipas mediave greke, 27 vjeçari vazhdon të përballet me akuzat e sulmit fizik, abuzim verbal, sulm ndaj oficerëve të policisë dhe tentativë rryshfeti.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Mbrojtësi është kthyer në Angli në pritje të gjyqit madje trajneri i kombëtares angleze Gareth Southgate e emëroi atë sot në skuadrën e tij.

Edhe vëllai i Maguire, Joe, përballet me të njëjtat akuza ndërsa miku i tyre 29-vjeçari Christopher Sharman, përballet me sulm dhe abuzim verbal.

Sot avokati i Maguire tha se motrës së futbollistit Daisy i ishte injektuar një drogë përdhunimi nga dy shqiptarë misteriozë në barin ku ndodhi ngjarja.

Daisy kishte humbur ndjenjat dhe kjo solli nisjen e sherrit. Policia erdhi në vendngjarje dhe dy shqiptarët u larguan, u tha në seancën e gjyqit.

Maguire dhe grupi i tij kishin kërkuar të shoqëroheshin në spital pas sherrit por ata u dërguan në stacionin e policisë, madje Maguire pretendon se një oficer e goditi me shkelm në këmbë dhe i tha: “Karriera jote ka marrë fund”.

Por oficeri i policisë Mickolos Kolios tha se Maguire nisi të shtynte oficerët e policisë dhe të abuzonte verbalisht me ata.

Ai shtoi se futbollisti dhe vëllai i tij Joe tentuan t’u jepnin rryshfet oficerëve, ndërsa më vonë Harry tha: “A e di kush jam unë? Jam kapiteni i Manchester United. Jam shumë i pasur, mund të të paguaj, na lër të shkojmë”.

Opinionisti sportiv anglez, ish-yll i Liverpool, Jamie Carragher mbronte Maguire në një koment duke refuzuar pretendimet e policisë greke.

“Absolutisht budallëqe! Çdo lajm për futbollistët nis me këtë historinë ‘A e di ti kush jam unë?’ Nuk kam dëgjuar asnjë futbollist ta thotë këtë”.

ME TE LEXUARAT