Organizonte dasma në kohë COVID-i, gjobitet me 1 milion lekë pronari i restorantit në Tiranë

Aktualitet
Organizonte dasma në kohë COVID-i, gjobitet me 1 milion lekë

Uniformat blu të Tiranës kanë gjobitur me 1 milion lekë pronarin e një restoranti pasi organizonte dasma në kundërshti me Aktin Normativ, duke thyer rregullat e sigurisë ndaj COVID-19.

Njoftimi i Policisë:

Tiranë

Policia e Tiranës ka ndëshkuar me 1.000.000 lekë gjobë, pronarin e një restoranti, pasi u konstatua duke ushtruar aktivitet në kundërshtim me Aktin Normativ.

Shërbimet e Komisariatit të Policisë Vorë, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë konstatuar një restorant në të cilin ushtrohej aktivitet,duke organizuar ceremoni martesore në kundërshtim me Aktin Normativ, duke mos respektuar protokollet e sigurisë.

Shërbimet e Policisë i kanë vendosur pronarit shtetasit A.M., masë administrative prej 1.000.000 lekë.

Policia e Tiranës apelon për të gjithë pronarët/administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.

ME TE LEXUARAT