“Do të vrasim ty dhe familjen”, arrestohen shfrytëzuesit e adoleshentes në Tiranë
Dy të rinj kanë rënë në prangat e policisë së Tiranës pasi dyshohet se kanë shfrytëzuar për prostitucion një shtetase 17- vjecare te cilen e kane kercenuar se do ti vrisnin familjen nese nuk u bindej.
Shtetasi G.M (S), 31 vjeç, nga burimet mësohet se ka qenë i dënuar më parë për veprën penale " Largim i të burgosurit nga vendi i qëndrimit".
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Njoftimi i Policisë, Tiranë:
Finalizohet një tjetër operacion për goditjen e veprimtarisë kriminale në fushën e shfrytëzimit të prostitucionit.
Operacioni i koduar “Salvation”, i finalizuar nga Seksioni për Hetimin e Trafiqeve të Paligjshme në Drejtorinë Vendore të Policisë Tiranë.
Vihet në pranga 2 shtetas.
Specialistët e Seksionit për Hetimin e Trafiqeve të Paligjshme në Drejtorinë Vendore të Policisë Tiranë, në bazë të informacioneve të marra në rrugë operative se dy shtetas shfrytëzonin për prostitucion një shtetase 17-vjeçare, kanë organizuar punën duke bërë dokumentimin e veprimtarisë kriminale të këtij shtetasi.
Në bazë të provave të grumbulluara u organizua dhe finalizua operacioni policor i koduar "Salvation", në kuadër të të cilit u bë i mundur kapja dhe arrestimi në flagrancë i shtetasve :
•G.M (S), 31 vjeç, i dënuar më parë për veprën penale " Largim i të burgosurit nga vendi i qëndrimit".
•E.M., 27 vjeçe, banuese në Tiranë.
Nga hetimet e kryera ka rezultuar se këta dy shtetas në bashkëpunim me njëri-tjetrin nëpëmjet dhunës dhe kërcënimeve për jetën dhe familjen shfrytëzonin për prostitucion në Tiranë një shtetase të mitur 17-vjeçare.
Materialet i kaluan Prokurorisë së Rrethit Gjyqësor Tiranë, për veprën penale “Shfrytëzimi i prostitucionit” në ngarkim të shtetasve të lartpërmendur.