Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Tirana fiton në Tbilisi, përballje në Shqipëri me Crvena Zvezda

Klubi shqiptar i Tiranes arriti një fitore 0-2 ndaj Dinamos së Tbilisit, e bashkë me të edhe kualifikimin e merituar në Ligën e kampioneve.

Kampionët e Shqipërisë shfaqën një lojë kompakte dhe arritën të shënojnë nga një gol për cdo pjesë, mjaftueshëm për të kaluar vendasit e për të siguruar një duel të nxehtë shqiptaro serb në raundin tjetër, me një rival të fortë në fushë dhe në financa, si Crvena Zvezda.

Pas 45 minutash të permbajtura, Tirana prishi ekuilibrat në shtesën para pushimit, kur një pakujdesi e portierit Kvaskvadze, solli dhe golin me shumë fat të Agustin Torasës. Ngulmimi i argjentinasit i dha bardhebluve avantazhin, që nuk e lëshuan më.

Në pjesen e dyte rastet nuk munguan në të dy portat, madje Dinamo e Tbilisit arriti të barazonte, por goli u zhvlerësua për pozicion të parregullt. Ata që vulosën kualifikimin, ishin talentet e rritur në shtëpi.

Me pas pati nje goditje te bukur te Muçit dhe përgjigje e Ismailgecit në vendin e duhur në kohën e duhur, gati për të kapitalizuar në rrjetë grushtimin dëshpërues të portierit. 0-2 për Tiranën që meriton veç bonusit kualifikues të UEFA-s, edhe 100 milionë Lekë nga bujaria e presidentit Halili.

Në raundin tjetër është Crvena Zvezda, rival më i fortë por edhe ego më e madhe për shqiptarët, në një përballje që do të mbushet pashmangshmërisht me doza politike e nacionaliste, përtej kufirt sportiv.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet