Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Meta: Ambasada e njoftoi Edi Ramën për situatën në kufi me Greqinë që në 5 gusht

Presidenti i Shqipërisë, Ilir Meta ka publikuar një letër të ambasadës shqiptare në Greqi drejtuar Ministrisë së Jashtme në datën 5 gusht të këtij viti ku e paralajmëron për masat e reja të vendosura nga shteti fqinj.

Meta thotë se ambasada shqiptare ka kryer me korrektësi shembullore paralajmërimin e menjëhershëm, por kryeministri Rama i cili është njëkohësisht dhe ministër i jashtëm pushon për shtatë palë qejfe.

Siç shihet nga dokumenti, ambasadorja aktuale Ardiana Hobdari e cila madje u shkarkua nga ministri në detyrë Cakaj, ka paralajmëruar më 5 gusht mbi masat e reja që vetë zv.ministri i brendshëm grek Hardalias bëri të ditur në një konferencë për shtyp po 2 javë më parë.

STATUSI NGA ILIR META

Falënderoj autoritetet greke për korrektësinë e tyre! 🇦🇱🤝🇬🇷

Falënderoj Ambasadën e Shqipërisë në Greqi, që ka kryer me korrektësi shembullore paralajmërimin e menjëhershëm të Ministrit për Europën dhe Punët e Jashtme, ende në detyrë, z.Rama.

Edhe njëherë NDJESË TË GJITHË BASHKËQYTETARËVE TANË, të cilët hoqën vuajtje çnjerëzore sepse Ministri ynë i Jashtëm, i cili është edhe Kryeministër, po pushon për shtatë palë qejfe!

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet