Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Greqia mban hapur kufirin, pritet të kalojnë 1 mijë shqiptarët e fundit

Edhe pse ka kaluar ora 22:00, kohë kur shteti grek kishte vendosur afatin e fundit për kalimin e shtetasve shqiptarë që ishin në radhë në Kakavijë, kufiri ende nuk është mbyllur.

Ministrja e Mbrojtjes Olta Xhaçka, në një postim në Facebook, ka deklaruar se pala greke do të dërgojë ekipe mjekësore shtesë për të bërë të mundur kalimin e 1 mijë udhëtarëve të fundit që kanë mbetur në Kakavijë.

Ndërsa nga dita e nesërme, kalimi drejt Greqisë do të kryhet përmes rregullave të reja.

“Pas komunikimit me autoritetet greke dhe gatishmerisë së tyre për të dërguar ekipe mjekësore shtesë, pika e kalimit kufitar në Kakavijë do të qëndrojë e hapur përtej orarit të punës për të bërë të mundur përfundimin e procedurave për 1000 udhëtarët e fundit.

Duke nisur nga nesër në mengjes, kalimi në Kakavijë do te kryhet përmes regjimit të ri të masave me kuotat e reja, aplikimin dhe testin negativ të Covid 19”, shkruan ministrja Xhaçka.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet