Aksident tragjik në Vlorë, humb jetën 25-vjecari

Aktualitet
Aksident tragjik në Vlorë, humb jetën 25-vjecari

Një i ri humbi jeten të dielen në Vlorë, si pasojë e një aksidenti automobilistik. Viktima është një djalë 25-vjeçar nga qyteti i Korçës, i cili udhëtonte së bashku me dy persona të tjerë, kur në rrethana ende të paqarta humbi kontrollin e makinës dhe u përplas me murin anësor të rrugës.

Përplasja ishte e fortë dhe shoferi mori plagë të rënda. Ai u dërgua në spital, por nuk mundi të mbijetonte dhe ndërroi jetë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Rreth orës 16:00, në aksin rrugor pranë fshatit Fushë Dukat, shtetasi R. Sh., 25 vjeç, banues në Korçë duke drejtuar automjetin tip Seat shoqëruar me dy pasagjerë të tjerë, ka humbur kontrollin e mjetit dhe është përplasur me murin anësor të rrugës.

Si pasojë e përplasjes drejtuesi 25 vjeçar ka marrë dëmtime të rënda dhe është transportuar në Spitalin e Vlorës, ku më pas ka ndërruar jetë. Dy pasagjerët e tjerë ndodhen jashtë rrezikut për jetën”, tha policia e Vlorës në një njoftim për mediat.

Po sipas të njëjtave burime, një tjetër person mbeti i plagosur më herët gjatë ditës, këtë herë në Llogara. Bëhet fjalë për një 39-vjeçar nga Tirana, i cili mbeti i plagosur teksa hidhej me parashutë. Ai ndodhet në spital, jashtë rrezikut për jetën

“Rreth orës 13:46, në Qafën e Llogorasë është hedhur me parashutë shtetasi L. A., 39 vjeç, banues në Tiranë dhe është rrëzuar në përroin e fshatit Palasë, ku si pasojë ka marrë disa dëmtime në trup dhe po merr ndihmë mjekësore në Spitalin e Vlorës, jashtë rrezikut për jetën“, tha policia më tej në njoftimin e saj.

ME TE LEXUARAT