Lajmi Fundit
LajmiFundit, Portal me Lajme nga Shqiperia

Barcelona zyrtarizon blerjen e talentit brazilian

Gustavo Maia, futbollit i ri brazilian i lindur në vitin 2001, transferohet nga Sao Paulo te Barcelona. Klubi katalan zyrtarizoi marrëveshjen, duke saktësuar se kostoja totale e operacionit është 4.5.

19-vjeçari nënshkroi kontratë deri më 30 qershor 2025, me një klauzolë largimi prej 300 milionë eurosh. Barcelona kishte paguar një million euro për të patur mundësinë për të blerë Maian dhe tani ka paguar 3.5 milionë të tjera për të përfunduar marrëveshjen.

Maia ka qenë pjesë e Sao Paulos që në moshën 14-vjeçare. Që atëherë ka fituar 7 trofe në të gjitha nivelet. Sezonin e tij më të mirë sa u përket golave të shënuar e kishte në vitin 2018, pasi shënoi 30 herë në 36 ndeshje.

Maia është grumbulluar në përfaqësueset U-16 dhe U-17 të Brazilit. Zakonisht luan në krahun e majtë, por preferon ta godasë portën me të djathtën.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet