Dëshmia rrëqethëse e shqiptarit që i mbijetoi sulmit në Bejrut: Ishte shpërthim i tmerrshëm, është dëmtuar…

Bota
Dëshmia rrëqethëse e shqiptarit që i mbijetoi sulmit në

Deri tani nuk ka të dhëna se ndonjë shqiptar ka humbur jetën apo është lënduar në Bejrut të Libanit, pas shpërthimit të madh që ndodhi një ditë më parë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Një dëshmi të tillë për klankosova.tv e dha Abdulkerim Kassem Al Arnutij, një shqiptar i Libanit, i cili jeton në Bejrut.

Për fat të mirë ai tha se arriti t’i mbijetojë tragjedisë, e cila ka marrë jetën e më shumë se 100 personave.

Kassem Al Arnautij e quan përjetim të tmerrshëm ngjarjen e pasditës të së martës në kryqendrën libaneze.

“Ka qenë sikur një shpërthim bërthamor dhe unë nuk jam lënduar për fat të mirë”, është shprehur ai.

“Një pjesë shumë e madhe e asaj zone të Bejrutit është e dëmtuar. Shpërthimi ka qenë shumë i fortë”.

Kassem Arnutij i cili është me origjinë shqiptare, ka thënë se të dhënat që kanë nga organizatat joqeveritare, nuk kanë dhënë ndonjë informacion për ndonjë shqiptarë të lënduar deri më tani.

“Janë nga 10 mijë deri në 15 mijë arnautë që jetojnë në Bejrut”.

“Shumica prej tyre janë nga Kosova. Të gjithë jemi në gjendje të mirë. Vetëm pronat janë dëmtuar”.

“Sot kemi planifikuar që të shpërndajmë ndihma ushqimore, veshje si dhe ilaçe për shqiptarët”, ka thënë ai.

Arnutij në fund të intervistës për klankosova.tv ka folur disa fjalë në shqip.

“Faleminderit shumë për interesimin. Unë e dua Kosovën. Ju dua!”.

ME TE LEXUARAT