Ibrahimovic pranë rinovimit me Milan

Sport
Ibrahimovic pranë rinovimit me Milan

Zllatan Ibrahimovic dhe Milan janë gjithnjë e më parë arritjes së marrëveshjes për rinovimin e kontratës. Në fillim kjo dukej e pamundur, por në fakt palët janë më pranë se kurrë.

Drejtuesit e Milan janë takuar me agjentin e Ibrës, Mino Raiola, për të negociuar mbi kontratën e re. Ibra kërkon një mirënjohje ekonomike nga ana e klubit, fundja e meriton pasi arriti ti ndryshoj faqen ekipit.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Pavarësisht se është 39-të vjeç, Ibra kërkon 6 milion euro në sezon ndërsa drejtuesit e Milan po mendojnë ti ofrojnë 4-5 milion euro plus bonuse të ndryshme, të cilat do të jenë në varësi të paraqitjes së tij individuale.

Me kontratën e re Ibra do të ketë sërish një rol kryesor në projektin e Milan, do të jetë ai në qendër të fazës ofensive, një tjetër detaj i rëndësishëm që i afron edhe më shumë palët në një rinovim të mundshëm.

Pasi të kenë mbyllur marrëveshjen me Ibrën, Milan dhe Raiola do të diskutojnë edhe çështjen Donnarumma, sigurisht për portierin nuk e kanë me nxitim pasi Donnarumma ka një kontratë deri në vitin 2021.

ME TE LEXUARAT