CR7 lumturon botën bardhezi: Përpara për titullin e tretë!

Sport
CR7 lumturon botën bardhezi: Përpara për titullin e tretë!

Sulmuesi Cristiano Ronaldo e konfirmon veten tek Juventusi edhe për sezonin e ardhshëm. Me anë të një postimi në rrjetet sociale, CR7 lë të kuptohet do ta respektojë kontratën me “Zonjën e Vjetër” dhe se çdo zë për largimit e mundshëm të tij nga Seria A është “fake news”.

“Jam i lumtur që kam fituar dy nga nëntë titujt e fundit të Juventusit në Serina A. Disa njerëz mendojnë se ka qenë e lehtë, por nuk është kështu.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Vit pas viti, me talent, dedikim dhe shumë punë je në gjendje të arrish objektivat dhe të bëhesh më i mirë se më parë. Përpara për titullin e tretë!”

Një mesazh ky i portugezit në Instagram që ka lumturuar botën bardhezi pas festës së titullit të nëntë radhazi kampion në Itali.

Ronaldo ka kontratë më “Zonjën e Vjetër” deri në vitin 2022. Kuptohet që CR7 beson ende te projekti i Juves, madje edhe në këtë sezon ka ende mundësi reale për të fituar Championsin dhe përmbushur ëndrrën e tij.

Juventusi do të përballet më 7 gusht me Lyonin, në ndeshjen e kthimit të fazës së 1/8-ave, me synimin për të përmbysur humbjen 1-0 në takimin e parë të zhvilluar në fushën e francezëve.

Nëse kalon këtë kundërshtar, Juventusi do të përplaset në çerekfinale me fituesin e çiftit Real Madrid-Manchester City.

ME TE LEXUARAT