Maqedonia e Veriut hap kufijtë vetëm për shqiptarët, vendeve të tjera u kërkohet testi

Aktualitet
Maqedonia e Veriut hap kufijtë vetëm për shqiptarët, vendeve

Maqedonia e Veriut do të qëndrojë e mbyllur për fqinjët edhe gjatë muajit gusht, por jo për vendin tonë. Komisioni për sëmundjet infektive ka marrë vendimin duke vlerësuar se situata epidemiologjike në rajon vijon të mbetet shqetësuese.

Kreu i këtij Komisioni, Zharko Karaxhovski bëri të ditur se testi negativ jo më i vjetër se 72 orë do të jetë “vizë hyrëse” në vend për Kosovën, Malin e Zi, Bosnje Hercegovinën dhe Serbinë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Nuk kemi ndërmend ta ndryshojmë masën sepse situata aktuale në këto vende është e ngjashme me tonën dhe nëse hapen plotësisht kufijtë do të kemi numër më të madh të të infektuarve. Gjithashtu është e qartë se ka numër të madh të të sëmurëve pothuajse në të gjitha vendet e rajonit.”, tha ZHARKO KARAXHOVSKI, KRYETAR I KOMISIONIT PER SEMUNDJE INFEKTIVE.

Greqia dhe Bullgaria i kanë mbyllur kufijtë për Maqedoninë e Veriut, sipas rekomandimeve të zonës Shengen. Rrjedhimisht Shqipëria mbetet destinacioni i vetëm për qarkullim të lirë pa asnjë kushtëzim.

Sektori i turizmit nuk e mirëpriti vendimin. Shoqata e Agjencive Turistike ka deklaruar se 300 agjenci turistike me 5 mijë punëtorë do të mbyllen pasi humbjet llogariten 100 %.

Që nga fillimi i pandemisë, në Maqedoninë e Veriut kanë humbur jetën 476 pacientë ndërsa akutalisht janë më shumë se 4 mijë raste aktive me covid 19.

ME TE LEXUARAT