Ndalim i hapjes së lokaleve të natës, Rakacolli tek ‘Ligjet’: Shumica e infeksioneve Covid janë marrë në këto ambiente

Politikë
Ndalim i hapjes së lokaleve të natës, Rakacolli tek

Kryetarja e Komitetit Teknik të Ekspertëve, Mira Rakacolli duke prezantuar aktin noramtiv tek Komisioni i Ligjeve që ashpërson dhe ndalon hapjen e lokaleve të natës dhe diskove, ka thënë se edhe pse nuk janë lejuar asnjëherë të hapen infeksionet më të mëdha të COVID-19 janë prej këtyre ambienteve.

Rakacolli shpjegoi se nën efektin e muzikës dhe si ambiente të brendshme, kryesisht moshat e reja qëndrojnë më gjatë, nuk respektojnë masat dhe kjo ka sjellë që tashmë edhe Shqipëria të ketë rritje të numrit të të infektuarve nga radhët e të rinjve të moshës 20- 40 vjeç.

Ajo shton se kjo është një masë parandaluese për mos kaluar në situata të vështira siç kaluar shtete të tjera me sisteme shëndetësore edhe mëtë mira.

”Në këtë periudhë kemi shtim të të rinjtë të infektuar, në spitale, nga 20- 40 vjeç.Dua të theksoj se shumica e të rinjve nuk vuajnë nga sëmundje bashkëshoqëruese. Janë të shkaktuara vetëm nga COVID-19. Kjo situatë nuk është vetëm në Shqipëri, por gjithë botën. Kosova ka shumë numra, Maqedonia ka shumë, mos flasim për Serbinë. Ka probleme dhe në SHBA apo vende të tjera.

Pra për mos arritur në këto situata, kemi menduar të vazhdojmë të mbajmë situatën në kontroll., siç e kemi thënë që kjo sëmundje nuk ka vaksinë, mbetet parandalimi. është parë që shumica e këtyre infeksioneve është marrë në ambientet e mbyllura bar/ restorante, dhe s’kanë qenë asnjëherë të hapura. Pra në efektin e muzikës, alkool, është krijuar mundësia që mos ruajnë distancën, të rrijnë më gjatë. Pra kemi propozuar që të merren këto masa shtrënguese për momentin që të përballojmë situatën, dhe mos kalojmë në situatat e frikshme që kanë kaluar vende më të fuqishme se ne. është përcaktuar dhe organi i kontrollit që do të jetë Policia e Shtetit. ”- tha Rakacolli.

ME TE LEXUARAT