Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

‘Tani punoj në…’, trondit këngëtarja shqiptare: Tentova të vras veten kur u mbyllën lokale

Valbona Haklaj Lalaj prej 20 vitesh ka ushtruar profesionin si këngëtare në lokale nate.

Ajo tregon se është nënë e dy fëmijëve, e cila e vetme pas divorcit është detyruar të jetë nënë dhe baba për ta.

“Më është dashur të punoj që fëmija im të ketë veshjen, të ketë ushqimin, ti ketë të gjitha. Por nuk e ka pasur nënën pranë. Vështirësitë për një femër të vetme janë të shumta por kam mbijetuar me punën dhe profesionin që bëj si këngëtare dhe artiste që 20 vite,” thotë ajo.

Pas përhapjes së koronavirusit dhe më pas mbylljes së lokaleve të natës, jetesa e saj u vështirësua së tepërmi derisa ajo tentoi të vetëflijohej.

“E mora këtë vendim të bëjë vetëflijim. Më vonë mendova se plagën më të madhe do t’ua lija fëmijëve të mi. Unë me këtë punë kam jetuar.”

37-vjeçarja sot është detyruar të fillojë punë në një market për të mos i shtrirë dorën askujt por apelon ndaj qeverisë për lehtësimin e masave ndaj Covidit.

“Sot kam nisur punën në market, shteti po na vret. Nuk po na jep një përgjigje. Pse vetëm ne?!”

Edhe pse është paragjykuar, Valbona shprehet se e adhuron profesionin e saj dhe se me atë punë rrit dy fëmijët 14 dhe 7 vjeç.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet