Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Roskovec/ Rrahu keq dhe e hodhi nga kati i dytë ish-bashkëshorten, arrestohet 47-vjeçari

Një 47-vjeçar, që ishte shpallur në kërkim nga policia, pasi kishte dhunuar dhe më pas hedhur nga kati i dytë ish-bashkëshorten, është arrestuar. Ngjarja ndodhi dje në Patos.

Burime zyrtare thanë se pas hekurave përfundoi shtetasi me inicialet S. Rr., banues në Kurian të Roskovecit.

Arrestimi i këtij shtetasi u bë pasi gjatë ditës së djeshme, në Patos, ka hyrë në shtëpinë e ish bashkëshortes së tij pa pëlqimin e saj, e ka keqtrajtuar dhe e ka rrëzuar nga kati i dytë i banesës.

Po ashtu bëhet e ditur se shtetasja E. S, 38 vjeçe, ishte e pajisur me urdhër mbrojtje nga Gjykata, ndërsa ndodhet në Spitalin Rajonal Fier nën kujdesin e mjekëve.

Materialet i kaluan Prokurorisë pranë Gjykatës së Shkallës së Parë Fier për veprat penale “Vrasje për shkak të marrëdhënieve familjare” e mbetur në tentativë, “Dhunë në familje”, “Veprime në kundërshtim me vendimin e Gjykatës”, “Dhunimi i banesës” dhe “Shkatërrimi i pronës”.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet